Tuesday, April 28, 2009

Dok berape sehat

Pok dok berape sehat sejok due tige ari ni. Mule-mule tu bunyi batok pok ni biase je. Maklumlah oghang tue. Lama kelamaang koho terok sapa terhinggok-hinggok kalu batok menyerang. Tambohang pulok dengang rase perit tekok dang kerongkong. Doh gi spita, doh makang ubat, tapi dok jjadi jugok. Nok nelang pong payoh.

Maklum saje lah umor doh tue nie, patang silap siket, doh mula sakit. Beginilah keadaang kalu doh dimakang usia. Tuboh doh jadi tok bertenage. Tapi nok wak guane, doh memang selayoknye tuboh nie rase sedemikiang. Maklumlah umor doh semaking senje, tuboh pong doh tok sekuat dulu lagi. Mase ni le baru teringat ke anok-anok, ingat ke bini.

Tapi kalu tengok oghang jamang lening, lagi teruk. Mude-mude lagi doh ade nyakit. Darah tinggi, kencing manis, jantung, stroke dang macang-macang lagi. Oghang jamang lening makang tu dok pantang langsung. Ikut jumpe, bedal. Selagi perut buleh isi tu, isi jugok. Pukol 12 malang, pukol satu pagi tu dok makang kkedai lagi. Lagu manelah dok jadi nyakit.

Oleh itu sayangkang tubuh badang deme. Kalu dok moh sayang ke diri sendiri pong, sayanglah ke anok bining. Janganglah sapa deme jadi tue sebelong sapa waktunye.

Adoh, adoh…. Sakit pinggang pok……. Bilelah nok sia niiii.

8 comments:

flavors said...

..nampak gaya pok kene brenti isak rokok.!! baru cepat sehat..

Ayohwang said...

flavors,

Time kasih kerane jengok pok. Nampok gayenye gitu la ye. Tok bawok ke pulut sekaye sepiring. Pok teringin nok makang. hehe (parangai oghang dok sehat. Rase nok makang belake)

Datin El said...

siannye pok..sakit sorang2 rupenye tu lah cariklah tukang jage cepat..bolelah urut2 sini sana picit mane yang patut...

Ayohwang said...

Datin El,
Time kasih kerane ambik berat. Betul jugok kate datin el tu ye. Nampoknye pok kene cari pengganti nie deh.

ZULKIFLI MOHAMED said...

Salam petang Ayoh Wang,

sihat dok lagi (?),

kalu larat, gi lah ambik ubat ke; cek dengan doktor ke ...

moga cepat semboh.

Ayohwang said...

Cikgu Zul,

Time kasih ambik berat ko pok. Pok sehat doh. Pok bbomo kapong ah. Dok gi spita. Pok takut makang ubat.

onedem said...

assalamualaikum.pok...ooOO Pok...bace kesoh ceriter Pok...ambe jjadi sema'ngak...mule laa duk mikkir..guane pulok bila ambe cap'pa umo lanjut usie jugok nati..aduu wehhh...tulong wi nasihak ke ambe jugok Pok weh...assalamualaikum..

Ayohwang said...

Onedem,
Pok ni dok panda nok nasihat. Cume pok nok khabo, mase mude ni jagelah kesihatang. Dang tuboh sakit, dok gune doh walaupong ade duit banyok. Gotu dokleh makang, goni dokleh makang.....