Lagu Anok Tupa - Halim Yazid

Lagu ni Pok tujukang kepada jirang baru pok MAMA ANIS hok singoh umoh pok semalang....

Ade seko anok tupa, atah jula mokte
kudung eko perut lapa, jale cari make, jale cari make,
kejadie Tuhe dipanggil namo tupa
asalnya dale hute sejenih mamalia
kalu pasa jakit kot dehe, diolah yang paling panda
jatuh jare jare kerano dio tok sobar

sepanda panda tupa melompat, jatuh tanoh jugok
nak wi gamba ore jahat, jange telajak bangok
ore jame ari tu kalo de nyo kerik tupa
pendek tahun tu nye durie tokde nak jual

ore skampung tupa seko berambak hari hari
nya pakat likungnyo pakat pekong, tupa tokleh lari
setakat bedil ado tupa habih mati
hok ni lah sayo raso kita sangak rugi
kito manusio tinggi mano pung kito ngaji
nok wak tupa seko tentu skali doh tok jadi

lonih kampung atau bandar, jare bulih tengok
bapok tupa ibu tupa jale bawok anok
raso sie sangat tengok seko anok tupa
kerano telajok kuruh sapo tokleh(nok)niti pagar
bulu bulu pung habih luruh air mate bera bera
mari dale baruh bokali kene racun tebaka

Pok memang suke lagu ni, banyok pengajarang nye...

Lawo

Kalu pok kelik umoh kakok pok hok dok Kelatang tu, dio selalu buat lawo (orang Kelatang panggil lawa). Lawo ni sebenornye adalah kerabu ikan metoh. Pok dok tau lah samo ade Fiza suke ko dok resepi ni. Pok tau Fiza suko masok memasok. Tapi resepi ni hanye potong memotong dang gaul menggaul je. Tetapi memandangkang resepi ni kene buat di dapor, make kite panggil masok memasok juge lah. Jarang sekali orang buat mende ni dalang bilik tidor. Mungkin dok pernoh kot. hehehe. Kalu makang dalang bilik tidor tu ade le. Makanang ni adelah kegemarang orang Kelatang. Tapi bukang semue. Ade juge orang Kelatang dok kenal lawo ni. Ni kerana lawo ni adolah makanang nelayang-nelayang hok gi kelaut. Memandangkang dalang bot kecik dok leh mmasok, jadi dio orang makang nasik buat lauk dengang lawo je. Jadi makanang ni terkenal di daeroh-daeroh sebelah pantai dang banyok nelayang seperti Tumpat dang Bachok serta kawasang-kawasang hok same waktu dengang nye.

Resepinye:-

1/2 kg ikan tamban sisik
ulam - daung kesong dan kacang panjang. (kalu suke boleh tamboh ulam lain)
3-4 biji bawang merah
5-6 biji lada cengek (kalu nok pedah tu buleh tamboh lagi, tapi jangang sapa kene buasir!!!!)
sedikit belacan
garam , gula secukup rase
2-3 biji asam limau nipis, ikut rasa

cara membuatnya:

Siang ikang dan ambik isi je. (Potong @ cincang isi ikang bior halus).
bawang, lada cengek, belacan, garam dan gula ditumbuk lumat. Lepah tu gaul dengang isi ikang yang telah dicincang.
Masukkang daun2 ulam yang telah dipotong/ mayang - gaul biar sebati
Masukkang air asam limau nipis (Air asam limau nipis buleh memasakkan isi ikang dan boleh menghilangkan rase hanyir ikang)

Senangkang. Selamat mencube.

Pok ni jadi tukang masok pulok koh ??????

Musing Cuti Sekoloh, Musing orang nikoh

Semenjok 2 menjok ni Pok xdok dumoh. Maklum saje le dalang cuti sekoloh ni rama sunggoh orang wat kenduri kawing. Pok ni pong baru balik dari Kelantang. Gi makang keduri dumoh anok buoh pok di Kalang Chepa. Lawang orang Kedoh. Jadi lepah kenduri tu die orang ajok pok ngata di Kedoh pulok. Jadi memandangkang Pok ni xdok kije ape, pok pun ikut le. Lama dok jalang jauh, penat jugok lah. Kenduri die orang ni memang buat besor sunggoh. Ade dengang kompang dan silat lagi. Banyok belanje tuh. Ape-ape pong pok ucapkang selamat penganting baru untuk anok buoh pok.

Tembok Tupa

Untuk wak isi mase lapang tu pok buat le ape hok patut. Saloh satu hobi pok ialah gi tembok tupa. Tupa ni jahat sungguh. Banyok doh woh nyior di kebung belakang umoh pok kene kerik ke die...... Kalu woh nyior habih, berok pok si Mat Yeh tu nok wak kije mende.

Tapi pok takdok senapang. Banyok kali doh mintok lesen dengan kerajaang tapi dok dapat. Jadi, kalu pok nok nembok, pok ajok le kawang pok si Madi hok duduk di Pulau Kerengge tu. Madi ni memang teror tembok tupa. Kadang-kadang tu sekali tembok sapa 2 ekor jatuh tupa. Maklum lah gune pluru tabur.

Suke binatang

Pok ni jenis suke ke natang. (Same le macang ayoh FIZA tu) Selain berok dan ayang, itek tu, pok jugok ade pero kuching ngan burung kukur. Bukang mende, cume nok wak ilang puah. Dapat gak wak temang di mase kesepiang.

Berok Mat Yeh

Pok ade pero sekor berok jatang. Pok bui name Mat Yeh. Mat Yeh ni rajin sungguh panjat pokok nyior. Kalu tak dok kije lain tu Pok ambik upoh ukah pokok nyior. Kalu mude-mude dulu Pok panjat sendiri je pokok nyior tu. Tapi bile doh berumor nih, dok larat pulok. Jadi Pok belilah berok nih. Pok beli berok ni 3 tahun lepah dengan kawang Pok name Merang dok kapong Machang Ulu Terengganu. Mase Pok beli tu umor Mat Yeh baru 6 bulang. Lening besor doh.Doh nok masuk 4 tahung. Mat Yeh ni macang biase le suke makang pisang. Berok katekang. Tapi Mat Yeh ni ade perangai menggatal sikit....... dokleh tengok orang puang. Luah butir mate. Bahaye tu........

Pok Orang llaki

Ari ni macang biase Pok dok muke pitu umoh sambil gulong rokok daung. Lepah tu Pok cucuh rokok Pok dengang colok. Pok sedut asap rokok tu. Sedap sunggoh rasenye isap rokok tebaka kayal ni. Tebaka ni Pok beli di Pasar Minggu ari sabtu lepah.

Sambil sedut asap rokok, Pok nengung pikir mase depang Pok. Puah juge dok ssorang ni. Pok senyum ssorang. Sedak jugok kalu dapat cari temang hidup nok wak gati mok die dulu....... Bukang mende, buleh jugok wak jage makang minung dan sakit pening Pok. Tapi terpikir jugak, anok-anok Pok setuju ke.

Pah tu lagi, Pok mampu ke.... he he he.!

Selamat Deepavali

Mase pok kije estet getoh dulu, pok ade rama saing2 base india. Pok ingat lagi namenye Mutu, Krishnan, Adina, Kumaresan dan rama lagi. Pok doh lame dok berubung dengan die. Dok taulah idup lagi ke die nih. Memandang kang esok orang india akang sambut deepavali, kalu mereka semua masih idup lagi tu pok nok ucapkan selamat deepavali. Kalu makang muruku tu ingat-ingat lah ke pok ni deh.

Ngail ikang

Ari ni pagi-pagi lagi pok gi sunga. Pok nok gi ngail ikang. Pok ngail gune batang buloh je. Pok tengok orang lain ngail gune batang besi hok buleh pulah tu. Tapi pok takdok pitih nok beli. Lagi pong pok dok panda nok gune. Silak ari bulang gelecoh tangang. Susoh kang.

Ari tu pok ngail dapat le 2-3 ekor ikang. Ade ikang baong, keli dan puyu. Buleh lah wak lauk baka tawa cicoh ngang budu. Ulang-ulang tu buleh lah kutik belakang umoh. Macang2 ade. Dok kkapong kang gitulah, dok payoh beli. Buleh lah wak jimat pitih. Kalu cukup pitih sipanang pok dalang tabong aji tu, pok ajat nok gi mekoh. InsyaAllah.

Macang Biase

Lepah anok-anok pok gi kolupo, pok dok sorang lagi. Macang biase lah pok ni dok dumoh, wak kije hok mane patut. Nok wak kije berat, pok dok larak. Pok tue doh. Wak kije rengan2 tu buleh lah untuk nok cari sekepeng due. Kalu sape-sape ssiang tu sudi-sudilah jengok pok. Kepade nok FIZA jirang pok tu, terime kasih lah kerane sudi jengok pok. Terubat gak rindu pok ke anok-anok. Mungkin nok FIZA tu sebaye anok puang pok deh.

Anok2 Pok Nok Gi Doh

Baru jah nok bermesere dengang anok2, die nok gi dok. Pok khabo doh ke die, jangan gi lagi. Die kabo dokleh pok, cuti abih doh. Kene masuk kije. Nati kene buang kok rang.

Malang tu pok ata anok-anok pok naik bah Tasik Kenyir di stesen bah Kuala Berang. Rama sunggoh orang nok naik bah. Hok ngata pong rama gak. Anok-anok Pok salang ngan Pok, sium pipi Pok. Nitih gak air mate pok.

Bah Tasik Kenyir kala meroh daroh ikang tolok pelahang-pelahang. Anok pok lamba tangan ke Pok. Pok balah balik. Bah koho lame koho jauh hilang dari pandangan. Pok balik kerumoh.

Balik asal....... pok sunyi semula.....

Baju Baru

Anok-anok Pok beli baju raye baru ke Pok. Hok puang beli baju ngan seluor. Hok llaki beli baju melayu ngan kain pelikat. Pok gi mayang raye taun ni paka baju baru lah. Sukenye Pok macang budok-budok jadi nye.

Raye sakang

Taun ni Pok raye sakang. Suke sungguh Pok sebab dapat raye dengang anok-anok. Pagi-pagi lagi kite bertige gi sejid nok semayang raye. Lepah abih semayang raye kite gi ziaroh kubor moknye. Pok tengok meleleh air mato anok-anok Pok sambil bace yassing. Ye lah doh due taun kami beraye tanpe mok die. Kalu dok, dapat jugok makang tupat palah. Mok die panda wak tupat.

Drumoh, juadoh raye x banyok. Cume ade tupat hok jirang bui, pah tu ade le kacang2 dang kueh kering hok anok-anok pok bawok balik dari kolupo. Anok pok hok puang tu goreng bihung se kuali. Bulehlah makang......

Tibe-tibe.......

Jang dinding burok pok doh tunjuk pukol 10.38 malang. Pok dok nengung muko pitu. Dok dengor mercun dan bungo api. Kuat sunggoh malang tu. Macang nok pecoh dunie. Mane lah die orang dapat mende natang ni. Kate kerajaang doh harang. Tapi senang pulok dapatnye.

Sedang pok dok nengung sorang-sorang tu tibe-tibe dengor orang bui salang...... Assalamualaikum...... Pok tergamang.. Rupe-rupe nye anok-anok pok kelik doh.... Makbul jugok doa pok. Anok-anok pok mari pelok pok..... pok sebok.

......

.......

........

Idup lagi le mung deh. Bak pe mung dok ato kabo berite... Tibe-tibe terkeluar soalang tu dari mulut pok. Nok ato lagu mane, umoh kite tak dok talipong. Yo tok yo jugok... bisik hati pok. Pah tu bakpe dok tulis surat. Anok pok jawak .... Pok panda ke bace ! .... Betul gak, mane le pok pernoh sekoloh. Buat sekoloh ade le....

Malang Raye

Penyimpang Mohor Besar Raje-Raje doh umung esok raye. Takbir raye doh mule berkumandang di corong-corong radio dan carong-corong speka surau. Pok koho sedih. Pok gagoh jugok di surau dekat umoh nok takbir samo-samo dengang jemooh lain. Tapi sogho pok dok keluor. Pok sebok. Anok-anok pok dok kelik lagi. Kelik gak anok-anok jengok pok ni...

Petang ning....

Petang ning pok ke pasor ramadang lagi. Nok cari makanang untuk buke pose. Tak dok orang nok masok ke pok. Bile pok sapa, pok kelih mok ayoh dok piping tangan anok-anok. Anok-anok merengek nok gotu goni, mok ayoh dio layang. Dakpe asa anok suke. Tapi pok dok leh nok wak gitu lagi. Pok tak dok sape lagi dalang dunie ni. Sekador layang perasaang soorang.

Petang ning macang biase pok beli nasik sebukuh lauk ikang je. Nok beli lauk ayang @ daging pok dokleh makang. Gigi pok koho jarang..... Padang lah sebukuh nasi utuk sorang makang. Beli banyok pong dok abih. Pok beli kue akok 2 butir wak buke pose. Nasik tadi makang tengoh malang sikit. Buleh lah tahang wak sahor.

Di pasor ramadang pun barang maha-maha belake. Orang jual pun ambik kesepatang nok utong lebih. Bukang nok buat kebajikang.

Sunyi Sungguh!

Ari ni Pok raso sunyi sungguh. Meleleh air mate bilo tenggok anok-anok jirang sebeloh menyebeloh kelik kapong nok sambut rayo dengan mok pok. Pok dok tahu bilo anok-anok Pok nok kelik. Kelik lah wei anok. Pok rindu dooh ni...

Sejak mok mu tak dok setahung lepas, mung jarang jengok pok. Bakpe eh... Ko sebab mung malu rumah pok mung buruk.... doh nok sembang ke bumi.

Mung dok ingat ko maso mung kecik dulu, pok la hok ata mung ke sekoloh dengan sika burok ni. Hok kakok dok depang dang hok jatang dok belakang. Susoh payoh Pok gatih sika ata mung gi sekoloh tiak-tiak ari. Buke apo....nok suruh mung ngaji panda, bia mung semo jadi orang berjayo maso depang.

Anok Pok 2 orang je. Tapi dok leh nok jage pok mung sorang. Kalu Pok tahu gitu, Pok suroh mok mung baranok rama-rama. Senang sikit nok jage pok mung bile tue nanti. Tapi mok mung dok moh. Die dok moh beranok rama. Pok tau dulu pok susoh. Noreh getoh je....